زايد زايد في كل مكان

يؤلمني قلبي كثيراً هذه المرة و أنا أحاول أن أخط هذه السطور.

في عالمنا المحدود، أصبحت المزايدة ديناً جديداً يتبعه الجميع. دينٌ يصيب جميع أتباعه بنشوة لا متناهية، تجعلهم لا يتوقفون عن آداء طقوسه بشكل يتعدى الطبيعي إلى ما بعد المرضي. في لبنان؛ الكل يزايد على الكل. في فلسطين؛ حماس تزايد على فتح، و بالعكس. في مصر؛ تزايد المعارضة على الحكومة، و بالعكس. أشهر برامج التلفاز هي تلك التي تقوم حول المزايدة على أحداث الساعة و آخر الأخبار. على الإنترنت؛ المزايدة لم تكن أقل حدة من مثيلاتها في العالم المحدود؛ نفس الشراسة، نفس الدناءة.

على الوورد برس مثلاً أشهر المدونات هي تلك التي يزايد فيها الفتحاويون على الحمساويين، و بالعكس. أيضاً تلك التي يزايد فيها المسلمون على المسيحيين و بالعكس. و كعادة تلك المواد فهي تحقق معدلات استهلاك عالية. كالرياضات العنيفة و المشاهد الجنسية الساخنة؛ تصبح المزايدات الجدلية من ألذ المواد الاستهلاكية للمواطن الشره دائما للمزيد.

مبدئياً سأستخدم كلمة “الإسلامي” بشكل مترهل كثيراً فيما يلحق من حديث. بمعنى أنها ستشير لأناس معينين ذوي طباعٍ معينة.

اعتدت في كثيرٍ من أحاديثي العابرة منها و المطولة مع الإخوة “الإسلاميين” نبرة أصيلة في تحييد الآراء المخالفة و المحاولات المختلفة للفهم و التحليل. نبرة تراوحت كثيراً بين التلميح المستحي إلى السب و القذف و التعريض في أحيان أكثر. نبرة تعالٍ غريبة جداً عما فهمته عن قواعد الإسلام، غير أنها موجودة و أصيلة في معظم الحوارات التي وضعني القدر فيها مع أحدهم.

المزايدات هي غالباً روح الحوار القائم. و أي محاولة مختلفة للطرح أو التعبير مآلها الأخير إلى نوع جديد من المزايدة على دين المرء، انتمائه الثقافي، رجاحة عقله، مصادر دخله، أو حتى ميوله الجنسية.

إلا أن الفقر هو آخر ما اعتقدت أنه يمكن المزايدة عليه.

إنني حقاً مصدوم. أن يزايد المرء على فقرك، يتطلب ذلك الكثير من الحنكة، و شهوة المزايدة.

منذ عدة أيام، صدرت دعوة على برنامج القاهرة اليوم من الدكتور محمد سليم العوا- و هو أحد من أكن لهم أعمق التبجيل و الاحترام- لمقاطعة السلع الهولندية لمدة خمسة عشر يوماً اعتراضاً على الفيلم القصير الذي أنتجه أحد أعضاء البرلمان الهولندي المتعصبين يجرح فيه الإسلام و المسلمين.

لمَ لم أخض في هذا المقال؟ لماذا لم أدل بدلوي في موضوع الفيلم، و رهاب الإسلام، و .. و؟

لأنها السبوبة الجديدة.

تعرفت على شخصية جيرات فايلدرز منذ فترة معتبرة عن طريق أحد الأصدقاء الهولنديين المتميزين. و الشائع عن الرجل كونه إنسان مهين، يحب جذب الانتباه السلبي بشتى الطرق. و لما عرفت عن أخبار الفيلم – قبل أن يصبح علكة وسائلنا الإعلامية الرائعة المفضلة بفترة معتبرة أيضا- علمت أن السبوبة قادمة. و أن على المرء أن ينأى بنفسه عنها.

يعني بيان أزلية الهجوم على الإسلام و عدم تأثيره على بهاء و روعة هذا الدين، بيان تعصب الرجل و كونه إنسان مهين في وطنه، بيان رهابه المرضي من الأغيار و رغبته في أن تكون أوروبا خالصة للأوروبيين (من يلمه؟) و اضطهاده لهجرة المسلمين هناك، بيان أحوال المسلمين المهاجرين المزرية اجتماعياً و أدبياً، سواء الشرعيين منهم أو غير الشرعيين، بيان الجرائم… بل بيان رد أعضاء الحكومة الهولندية عليه يصبح ضرباً من الجنون و العبث مع اتباع الغوغائية القادمة تحت السبوبة. هؤلاء الذين يريدون أن يكونوا على حق و كفى. عاوزين جنازة و يشبعوا فيها لطم كده.

تفكير مثالي سخيف فيما يبدو.

أفلت لساني بالتعليق على إحدى المدونات ” الإسلامية ” الداعية لمقاطعة السلع الهولندية. قلت أني لا أرى المقاطعة هذه المرة سبيلاً. قلت أنها لم تعد قضيتنا الأولى الآن. قلت أنه يجب اختيار السلاح المناسب للوقت المناسب، و أنه يجب أن نتوقف عن ردود الفعل الانعكاسية كأننا دمى تحركها الخيوط. قلت أن الاستمناء الإعلامي الذي يجعلنا نشعر بالامتلاء الكاذب و الإنجاز الأجوف لصالح أمتنا ليس حلاً.

لماذا لن أقاطع السلع الهولندية؟

ببساطة لأنني أفقر كثيراً جداً من أن ابتاع تلك السلع. ببساطة لأنني أمثل الشريحة الأعرض من أبناء هذه “الأمة” المزعومة.و هكذا تجدني مستفزاً جداً لمن يطالبني بمقاطعة شراء المعدات الثقيلة، و المواد الكيماوية، و رقائق البطاطس. و هكذا أيضاً ترى أن المقاطعة “الشعبية” هذه المرة ليست سلاحاً. ليست ذات معنى. غير أن الدعوة إليها برسائل السبام و المدونات تصبح مشبعة إلى حد التخمة، أليس كذلك؟

لماذا لن أقاطع السلع الهولندية؟

لأنه وجب على “حكوماتنا و حكامنا” هذه المرة أن يفعلوها من أجلنا. لأنه وجب أن نوجه هذا الغضب العارم و الاحتقان المزمن من الإهانة و الازدراء العالمي إلى المسئولين الحقيقيين عنه—إلى هؤلاء الحكام السفلة. لأنه وجب علينا التوقف عن استيراد الفقه السعودي الذي يقوم و يلتف حول تجنيب الحاكم حرج اتخاذ أي قرار إصلاحي، فقط لأنه الحاكم، و أنه يجب على الشعب أن يصلح من نفسه، لأن الحاكم لن يتغير، ولا يجوز تغييره أصلاً. يجب أن نتوقف أن هذا التأليه، و نواجه المغتصبين الحقيقيين لهذه الأمة، المهينين الحقيقيين للرسول.

لماذا لن أقاطع السلع الهولندية؟

لأن المستورد لن يتوقف. بل قد تنخفض أسعار الجملة بالنسبة له بشكل كبير. و هكذا، و لمدة خمسة عشر يوماً، يكوم المستورد البضاعة الرخيصة بسعادة، ثم يعود ليجتاح بها الأسواق بعد ذلك محققاً ربحاً … كبيراً. سبوبة أهيه.

لماذا لن أقاطع السلع الهولندية؟

لأني باشتري مصري. و أيوة المصري أقرب ليا من الماليزي. و أيوة ما يهمنيش مستثمرمن دولة إسلامية تبعد عني آلاف الأميال يعمل ربح أكتر ما يهمني عامل ولا فلاح مصري يعمله. و مش خايف أقولها، و مش بازايد على حد و انا باقولها.

عرضت رأياً. و هكذاً؛ أصبحت ملحداً، و علمانياً، و ليبرالياً (شتومة دي يا مرسي؟) و ثوراً، و متفزلكاً، و يهودياً لا يعرف شيئاً عن المحرقة في بعض الأحوال. أصبحت ذلك كله و الكثير من التحابيش و الردود السفسطائية (من السفالة الجدلية). و عندما أوضحت رأيي أكثر ( و كما توقعت تماماً) بدأت المزايدات القذرة.

ولا اعتذار واحد عن السب و القذف و التكفير و الحجر، فهؤلاء القوم لا يعتذرون، لا يتراجعون، هم على حق دائماً.

لكن آخر ما توقعت أن تصل إليه المزايدات هو فقري. أن تزايد على الفقير فتنعته بنقص الدين؟ تطور ملحوظ.

غير أن ما أوجع قلبي و أنا أكتب ليس ذلك.

طالما ادعيت السفالة و السفه. غير أني خسرت هذه المرة. أنا حزين لأني لم أتحل بالمزيد منهما.

طظ يا..يا دكتور محمد…

طظ

محجوب عبد الدايم

القاهرة 1930.


15 thoughts on “زايد زايد في كل مكان

  1. و مش هاكتب الرد المرة دي بالمصري زي ما بعمل دايماً…
    لا تسألني لماذا… ربما لأن ما يدعوني لأن انتحل اللهجات العربية (و غير العربية) حين أعلق على المدونات هو رغبة في التودد و مزاج مرح لا يراودني الآن اطلاقاً!!!
    تدويناتك مؤلمة جداً حين تلمس مكان الجرح الملتهب…
    قرأت تدوينتيني الأخيرتين؟
    و الله العظيم أنا مرضت من هذا الموضوع.. سئمت و سقمت…
    حاولت أن ارفع صوتي… لكن بلانتيجة!!!
    لا أستطيع أن اغامر برفضي من الأوساط المتدينة!!! يا محجوب أنا والله العظيم متدينة من الصغر و اهلي متدينين، لكن لو أقول ان المقاطعة للبضاعة الهولندية غلط ما حدا هيرحمني!!
    طب أنا بعدما سفت الخلقة اللي عملها معزّ مسعود من برنامج الطريق الصح ردّاً على الفيلم صار عندي فضول شدييييد اشاهد الفيلم!! صار عندي شعور انّ هناك جزءاً كبيراً ممّا ذكر في الفيلم ليس تبلّياً، بل نقلاً لواقع حقيقي ملموس نعيشه هنا!!! شيء واحد لا يسكت عليه: ان يتعرض للنبي صلى الله عليه و سلم أو آل بيته، او قبل ذلك الذات الالهية بالامتهان أو السخرية، هذا لا يسكت عليه… أما لو كان الفيلم مجرد انتقاد لواقع يعيشه المسلمون يوميّاً، فلو كان صحيحاً لتكن لدينا الجرأة على الاعتراف… و ان لم يكن فلنتحلّ بالقوة اللازمة لرفع اصواتنا و الرد بوجهة نظر واضحة و مفهومة…
    بس شو بدك بالحكي؟ احنا شعوب غوغائية و عاطفية… و مع اني متلك ما بشتري هاي المنتجات أصلاً لحتى أقاطعها، بس انا مقاطعة!!! مقاطعة و أنا مش مقتنعة بس مشان ما اتحمل الذنب… و حتى لا يلقى بي خارج عالم المتدينين لأني لا استطيع أن اعيش خارجه!!! لا استطيع أن اعيش بين اصحاب الأفكار العجيبة و الفلسفات الكافرة… و الله وحده يعلم الى متى سأحتمل العيش بين أرباب العقول المصبوبة (صبّة اسمنت)… و الله وكيل نوايانا و نواياهم!!!
    و لنا لقاء يوم العرض…

  2. هممممم, أن كنت تعترض على تكفير (و هى كلمة لم أذكرها صراحة بتدوينتى) العلمانيين فأنت تعرف أن اﻷمر ليس بيدى أنما هى قضية محسومة منذ زمن لمن لهم القدرة على ذلك.

    طبعا شيوخ الحكومة و الكتاب الصحفيين ليس من ذوى تلك القدرة.

    بالمناسبة الا تعتبر أن اﻷلحاد و العلمانية (التى أتفق العلماء على شرك من يؤمن بها) شئ فى مستوى الشتيمة ؟

    “من أقام لنفسه مقام التهم .. فلا يلومن من أساء به الظن”

    و بالمناسبة على أى أساس أعتبرت مدونتى أنها مدونة “إسلامية” ؟

    أخيرا طظ فى اللى جايبنا ورا و مبيعملوش حاجة غير الكلام.

  3. أخيرا طظ فى اللى جايبنا ورا و مبيعملوش حاجة غير الكلام؟؟؟!!! و الله انا شايف ان دة ينطبق عليك انت مش على صاحب المدونة لانة فى الوقت اللى ذكر فية حلول منطقية فى ان المقاطعة مش هتكون فعالة على مسوى الافراد و ان الواجب على الحكومة و المستوردين الحيتان كنت سيادتك بتستهلك شوية اى تى بى على الفاضى فى مدونتك و بتزايد على ناس فى مدونتك سعادتك و بتزايد عليهم منهم طبعا انا اللى طلعت جاهل وواضحة زى الشمس زى ما قلت

    العلمانيين فأنت تعرف أن اﻷمر ليس بيدى أنما هى قضية محسومة منذ ؟(و الله بجد باضحك على سذاجة سعادتك معلش بازايد عليك)هو انت مي اصلا عشان يبقى بيدك؟ز مين سعادتك اللى ليهم القدرة على ذلك عشان نعرفهم بس و الامور تبقى واضحة و طبعا انا عارف انى هاتهم بانى علمانى دلوقتى مع انى متاكد انك مش عارف معناها(مزايدة بردة)

    اﻷلحاد و العلمانية (التى أتفق العلماء على شرك من يؤمن بها؟؟؟معلش يا ريت توضح اصل انت عارف مخى على ادى اية العلاقة بين الالحاد و العلمانية و اية اللى دخل الالحاد فى الموضع اصل كنت فاكر لغاية دلوقتى الالحاد حاجة تانية و مش محتاجة اتفاق العلماء انة شرك بس الظاهر انى فاهم غلط يا ريت توضح لنا معاليك و توضح اية اللى دخل الالحاد فى الموضوع!!

  4. طيب أنا الآن فهمت الموضوع كاملاً…
    و أنا مع آراء محجوب…
    و هوّ ما غلطش و حرام يتشوّحلو بكلمة الالحاد على استحياء (اصلها كفر فا ما حدش متجرأ يتّهمو بيها علشان اللي بيكفّر مسلم فأحدهما في النار، فبتفضل حاضرة لكن ما حدّش متجرّأ يلزقهالو)
    و السلام..

  5. ما شاء اللهّ! انا لسة راجع من المستشفى و الاقي كل الناس الحلوة دي عندنا؟ يادي النور يادي النور

    النهاردة شكله يوم جميل باين

    ناريات– آسف جداً لما تشعرين به، و يعلم الله أني لم أرد أن أقلب المواجع، و لكن ما باليد حيلة. جميل أنك فهمت الموضوع كاملاً الآن.

    معظمنا نشأتنا واحدة يا ناريات، في الكُتَّاب و على كتاب الله. لكن لما يتحول التدين لشيء شبيه بالجماعات السرية، و حكر على قوم “يديرون المجتمع المتدين” فيقبلون الخانعين و يطردون المتسائلين، يبقى لازم نقف وقفة. لازم نبص نشوف الناس دي بتعمل معانا كده ليه؟

    محمد سيد– إيه النور ده ياولاد؟ كلوب؟؟

    شوف يا محمد، أنا عندي حساسية من تكفير أي حد أياً كان السبب إلا لو الحد ده أعلن صراحة أنه يكفر بما نؤمن به. فيه صيغ صريحة يعني. إنما تكفر حد علشان مختلف معاك، ده شيء… يستثير الهستامين في خلاياي العمودية.

    آه.. و مش ناوي اتعالج… قبل ما تهزر يعني.

    أنا برضه ما باعتبرش العلمانية و الليبرالية شتيمة خالص. و الله دي أفكار و طروحات أنا عندي استعداد كامل اتعامل معاها باحترام و بوعي، و عندي استعداد كامل أتفهم كثيراً مما تقدمه، و اتفهم نقاط الخلاف عليها. مستعد حتى اناقش طروحات مدروسة جداً عن الجذور الطاعنة للعلمانية في الدول القديمة، منها الدول الإسلامية المختلفة.

    لكن إيه بقى اللي انا مش مستعد أقبله يا محمد بيه؟

    إنك تبرر لنفسك إنك تقيم نفسك حكماً و رباً فوق الرب. انك تقبل لنفسك (و لاصحابك–التعليقات عندك تحت إدارتك، يعني الكلام كله عاجبك و جاي على هواك) إنك تحكم على علاقتي بربنا ببساطة كده، من غير أي وجل ولا تورع. و انك لما يتبين لك خطأ افتراضك الفج، تستمر في تبرير اتهاماتك العارية من أي أساس. انك تقعد تمارس عليا سلطاتك الأخلاقية علشان تشعر إنك إنسان أفضل. لما تبقى حياتك من الخواء و الفشل بحيث إنه الشيء الوحيد اللي يخليك تشعر إنك انسان أفضل هوه الحكم على عقائد الناس و الشق عن صدورهم و الكشف على ضمائرهم، يبقى عند حضرتك مشكلة. و دي تروح تحلها مع نفسك. إنما ترمي عليا بلاويك؟ أنا لن أقبل

    آه بالمناسبة برضه… سؤال عجيب قوي عن “افتراضي” انه مدونة حضرتك “إسلامية”. حضرتك حاطط بانر تسد عين الشمس على اليمين لترشيح المدونة لجائزة أفضل مدونة إسلامية. يبقى و الله المنطق و العقل بيقول انه المدونة لازم تكون إسلامية علشان تشارك في المسابقة دي؟ ولا هيه المسابقة دي مالهاش شروط؟ بنظام فلان حبيبنا و بتاعنا… يبقى نديله جايزة.مش انتا برضه اللي بتقول من أقام نفسه مقام مش عارف إيه… فلا يلومن أبصر مادرك إيه؟ الصنف خرف معاك المرة دي يابو السيد.
    (بصوا الوقتي هيجي يزايد و يقول الإسلام خير شبهه، و كلام من ده)

    و خليني أقول لحضرتك تاني.. طظ في جنابك عشر مرات. و انا مش مستني حد يجي يعرفني قيمتي و يقولي على دوري في المجتمع. الحمد لله عارف دوري كويس جداً و بأديه كما يرضي الله. ذاكرلك كلمتين ينفعوك يا دكتور، يمكن … يمكن تبقى زيي في يوم.. يوم بعيد قوي.

    أمير المنية العزيز– ما بلاش الأسئلة دي؟ هيهيهي… مش هاتخلص من الإجابات الجاهزة المحفوظة و المقولبة. الإجابات اللي اصحابها ما بيدوروش دماغهم فيها مرة واحدة قبل ما يطروشوها من ابقاقهم. و ساعتها هاتبص فجأة تلاقيك.. كبرت فجأة.. و بعدين تتعب م المفاجأأأأأأه… و تنزل دمعتك. هيهيهيهيهي.

  6. @prince of minia:
    و الله انا شايف ان دة ينطبق عليك انت مشبالعكس هو نسخة منك تقدر تقولى بتعمل أنت ايه غير الكلام (حد شايف منك حاجة هنا غيره).
    تقدر تقول أنت تعرفنى و لا ﻷ, تحب أسرد لك نشاطى ايه فى المجتمع و كل اللى بعمله و لا ايه رأيك و نشوف بقه أنت بتعمل ايه فى المقابل.

    باقى ردك لى عليه تعليقين :
    اﻷول : أنا كان قصدى العلمانية و الليبرالية و دى صحبك محجوب ﻷنه بيفكر أخد باله منها أما جنابك فشكلك عايز نظارة, طبعا هو خد باله ﻷنه بيقرأ قبل ما يرد و هو عارف أنى قلت الحاد خطأ (و أتمنى أنه يعدل المشاركة و يكتب أن كان قصدى ليبرالية).
    الثانى : من لهم الحق أسمهم علماء الدين الملتزمين بأهل منهج السنة و الجماعة, تسمع عن حاجة زى كده و الا أنت لا بتقرأ و لا بتسمع كمان (مزايدة بقى😉 ) ؟

  7. نيجى بقا لعمه محجوب و عندى شوية نقط :

    – هو أنت طلعت أبو زمُل من غير ما تقول ؟

    – موضوع تكفيير العلمانيين شئ قديم و قتل بحثا !
    أبحث أولا عن معنى كلمة الدين ثم ثانيا عن مفهوم اﻷسلام (ﻷن اﻷسلام مش دين بس) و بعد كده شوف أراء العلماء فى الموضوع ايه هتلاقى الموضوع بيتدرج الى أثبات أن العلمانية شرك بالله و بالتالى لا يصح أن يكون هناك مسلم علمانى ﻷنه لا يجوز أن يكون هناك مسلم مشرك ! صح و لا ﻷ ؟

    – و انك لما يتبين لك خطأ افتراضك الفجأنه أفتراض اللى تبين خطأه ؟ مش واخد بالى🙄
    يا ريت توضح علشان أعرف أرد.
    أفتراض أن العلمانية و اﻷسلام ميمشوش مع بعض ؟
    لو هو ده فراجع النقطة اللى فاتت.

    – بذمتك يا راجل فيه شعار فى مدونتى بيقول رشحونى لمسابقة مدونات إسلامية ؟
    أنت كنت فاتح أكيد أكتر من مدونة و أنت بتقرأ الموضوع و دخلت اﻷمور فى بعضها.
    كل اللى عندى روابط لمدونات اسلامية.

    و خليني أقول لحضرتك تاني.. طظ في جنابك عشر مرات. و انا مش مستني حد يجي يعرفني قيمتي و يقولي على دوري في المجتمع. الحمد لله عارف دوري كويس جداً و بأديه كما يرضي الله. ذاكرلك كلمتين ينفعوك يا دكتور، يمكن … يمكن تبقى زيي في يوم.. يوم بعيد قوي.لا أطمن قيمتك واضحة من المواضيع المفيدة اللى على مدونتك اللى فوائدها غيرت من شكل المجتمع و جعلت من العالم مكانا أفضل حيث تبتعد كل البعد عن نوعية المواضيع التى هى عبارة عن كلام فقط و رغى رغى رغى لا طائل من وراءه و التى لا يمكن أن نقول عليها طظ أبدا فكم من أزمات حلت من أفكارك النيرة !
    أما عنى فنسرى ذلك فى يوم من اﻷيام😀
    أمير المنية العزيز– ما بلاش الأسئلة دي؟ هيهيهي… مش هاتخلص من الإجابات الجاهزة المحفوظة و المقولبة. الإجابات اللي اصحابها ما بيدوروش دماغهم فيها مرة واحدة قبل ما يطروشوها من ابقاقهم. و ساعتها هاتبص فجأة تلاقيك.. كبرت فجأة.. و بعدين تتعب م المفاجأأأأأأه… و تنزل دمعتك. هيهيهيهيهي.يا راجل طيب بالراحة على نفسك و مليون سلامات و قدهم طظيات.

  8. همممم شكلك تقص أعلان مسابقة أفضل مدونات أسلامية ؟

    يا راجل بص فيه كده شوية بتركيز و قول ايه اللى فيه عن مدونتى الشخصية ؟

    ده أعلان لمسابقة أنشأها صديق و لا علاقة لها بالترشيحات من اﻷصل.

  9. بصراحة يا محمد باشا انا من النوع اللى مابحبش اتكلم مع حد مش ناوى يسمع الكلام او بيدور فيه على اللى يريحه او اللى يكفرنى بيه بس ليا شوية ملاحظات عايز اقولهم

    طبعا ممكن قبل الملاحظات استخدم نفس الاسلوب المقزز بتاع تصيد الاخطاء و اقولك انت كاتب فى المعلومات اللى عنك فى مدونتك انك بتحب “القرأة” و اقعد ازايد عليك و على هذه الغلطة الفادحة التى هتكت شرف اللغة العربية المجيدة و ويك ويك و كلام من هذا القبيل .. بس لا خلينا نتكلم بالعقل

    مشكلاتنا فى الحياة ليس حلها ان تنتقب النساء و يطيل الرجال لحاهم بافراط ثم يجلس الجميع ليزايد على الجميع ..

    طبعا انا مستفز جدا من انعدام الحياء العام ولكن مستفز اكتر من السبب فيه .. من الجوع والفقر و الموت و الخراب اللى احنا عايشينه..من الاعلام الجاهل و من الحكومة و الحكم و الحكام

    الحل مش اننا نقعد نكفر بعض و نزايد على بعض و لا ان احنا نلخص مشكلاتنا كلها فى كلمة وهمية اسمها “الاسلام هو الحل” طبعا هو الحل بس لازم نشرحها و نفنطها و نقدم مشاريع و ننفذ افكار مش نقعد -لمؤاخذة لانى بحب التعبير قوى- نستمنى فكريا

    الحل اننا نكون حكومة و نأمرها بتنفيذ ما يتفق عليه الجميع من اولويات لهذا الوطن و هذه الامة .. طبعا مرجعية هذا الاتفاق يجب ان تكون مبنية على التشريعات الاسلامية دون نقاش معايا فى دى والا مش معايا ؟

    دعنا نتفق ان اى حل لن يأتى الا عن طريق التحكم فى اختيار هذه الحكومة .. و اجبارها على تنفيذ ما نريد .. كلنا بنتضايق من الاهانات اللى بتوجه للاسلام لكن فيه نقطتين مهمين

    اولهم ان الاهانات دى موجودة من الازل و سوف تظل طالما هناك دين اسمه الاسلام لان اللى بيعملوها مرضى جاهلون محتقرون حتى فى مجتمعاتهم

    ثانيا ان حكامنا و حكومتنا هم المسؤولون الاوائل عن الرد .. طبعا بضغط مننا و شحن و استنفار بس فى الاتجاه السليم .. طبعا حضرتك ضربت مثل ببوش و ازاى انه بنفسه بيقوم بحملة مقاطعة اولمبياد بكين
    مش شوية ناس مع نفسهم
    و طبعا عمرهم ماهيقدروا يردوا و هما شغاللين شخاليل فى ايدين الغرب و بلادهم مخروبة وشعوبهم مطحونة

    الكلام عن الديموقراطية “و انها حرام لان مافيش حاجة اسمها حكم الشعب للشعب” و عن العلمانية ” التى تفصل الدين عن الدولة و تحتقر الشريعة الاسلامية” لن يقدم و لن يؤخر .. جدال و سفسطة لا نهاية لهما .. طبعا انا فاهم شيوخ من طراز محمد حسان و محمد حسن يعقوب و وجدى غنيم و غيرهم ليه مصممين على الكلام فى المواضيع دى .. ” و انا مش بقول كده عشان انا باكرههم او باكره الاسلام او عشان نقعد نجادل فى بعض .. انا بس نفسى نوجه كلامنا للمكان اللى المفروض يتوجه له”

    يقولك اصل الحاجات دى ليها اتباع و لازم نحمى شباب الاسلام من الفتنة .. اقوله هيا لا فتنة و لا نيلة هو كله كلام فى الهوا .. كلام عن نظام الحكم عندنا فى بلد يحتلها الامن المركزى ويفرض فيها الشحط مبارك رأيه على الجميع ..

    فاول حاجة نعملها نشيل الشحط و نقعد بقى نشوف هانعمل ايه فى البلد و نجيب كل الناس و نرد عليهم بالعقل و المنطق لان اى كلام قبل كده عامل بالظبط زى اتنين لا مخطوبين و لا بيحبوا بعض قاعدين يختاروا اسماء اطفالهم

    و الله طالما خايفين من الشحط و امنه المركزى و مش قادرين عليه و مش ناوين نقدر عليه اصلا و لا نوجه له هو و كلابه الكلام يبقى نقعد بقى ساكتين و نبطل نزايد على الناس .. والا ايه ؟

    نيجى بقى للمهم .. احنا بنتكلم عن المقاطعة .. المقاطعة عديمة الجدوى لكل الاسباب سالفة الذكر فى هذه التدوينة المؤلمة .. بلاش بقى نقعد نهين فى بعض و نشردح لبعض و نتكلم كلام كتير مالوش فايدة

    و الله يا سيدى انت شايف ان ليها فايدة انت حر بس من غير اهانات و تكفير .. هانقعد نتجادل و خلاص .. احنا اه عايزين نقاطع بسش مش الدنمارك و لا هولندا .. نقاطع الجهل و الفساد و الاستبداد و بعدين نفوق لنفسنا و نعمل اتحاد اسلامى حقيقى مش ورق فى الهوا و نقعد بقى نرد على اى حد يتكلم عن الاسلام و نعمل قانون كمان ..

    و اللى يقولنا من هناك لا مافيش قانون نوريله العين الحمرا المكونة من اقتصاد متكامل و دبابات و طيارات جاهزة للردع و شعوب بتحب بعض بصحيح و بتتشارك المصير ايد واحدة

    ردودك شديدة الابتذال .. اتمنى تراجع نفسك فى طريقة الكلام ..ومالوش لازمة توصل المزايدة للتفاخر الشخصى و نظام انت مالكش لازمة فى الحياة لكن انا ليا .. انفلات الاعصاب ده مش مطلوب .. و خللى بالك ان الشتيمة و قلة الادب مافيش اسهل منهم

    و بعدين مواطن شبهات ايه و هم ايه اللى بتقول عليها ؟؟ .. يا عم الله يكرمك رد على الكلام بالمنطق بدل ماتحاول تكفر اللى قدامك

    و ايوه انت عامل اعلان عن مسابقة المدونات الاسلامية .. و لأ مش طالبة نتجادل فى حاجة زى دى .. ركز فى الموضوع .. انت عاوز مقطاعة واحنا بنقول مالهاش فايدة بالطريقة دى .. بس شكرا

  10. معلش .. الاسم اتكتب غلط اول مرة .. هو انكوجنيتو .. يعنى مجهول الهوية بس بالاسبانى “حتة رسمة كده” .. انا مستر اكس يا برنس

    بص يا محجوب عشان انا عارف انى هاتكشف فى الاخر .. و هاطلع يهودى زيك ..

    شالوم خبيبى خالتى راشيل بتسلم عليك و بتقولك مش عيب تبقى يهودى و ماتعرفش حاجة عن الهولوكست .. يعنى يهودى و جاهل كمان ؟

    و بالنيابة عن شعب اسرائيل كله اتقدم بالشكر للحكومة المصرية الصديقة على الغاز و المياه اللى ببلاش .. و الله حاجة اخر منجهة

    الى برنس المينيا اللى اتشتم من غير مناسبة .. جهز الرجالة و قابلنى فى جزيرة الشيطان عشان نفيش الهوامش ..و طلع سفينة الفضاء اللى مخبيينها فى الدرة .. عشان احنا داخلين على ايام سودا .. دول حضرووووووو .. اللى جابتوا خادته يا عم الحاج .. و حطينا عليه

    شالوم عليخم

  11. بالعكس كلامك على اﻷقل هادئ و للمرة المليون أنا مقلتش يهودى ديه خالص.

    بالنسبة للقرأة فأنا فعلا أحبها و أن كنت تلمح الى أخطائى اللغوية فأنا أعترفت قبل كده (ردا على محجوب) و قلت أنى ضعيف فى النحو و بعدين هى القرأة حكرا على اللغة العربية😉 .

    مسابقة المدونات دى أنا مش فيها أساسا و لو ركزتوا شوية هتعرفوا أنها حاجة تانية خالص غير الشغل على WP.com (هنا يعنى) لكن هى عبارة عن مسابقة على موقع تانى و لم استرك فيها أطلاقا.

    على أى حال زى ما أنت قلت الكلام مفيش منه فايدة ما بينا و عليه فكفاية كده (ليس أنسحاب بل توقف عن الجدل ﻷنى فعلا حسيت أن اﻷلفاظ بدأت تخرج منى بطريقة لا أحبها صحيح أنا لازلت على قناعة برأيى زيكوا بالضبط لكن مش هنغير من بعض بالطريقة ديه).

    على كل حال قد نلتقى فى مواضيع تانية و أن شاء الله تكون اللغة أقل من كده حده.

  12. لا أظن أن لدي ملاحظات فوق ما أضافه إنكوجنيتو. غير شيء أو اثنين…

    شيء شخصي… زي ما قاللك يا محمد، المسألة اننا كنا بنتكلم عن المقاطعة، و هوب الاقي نفسي باتشتم و اتكفر. قولنا يمكن علشان انتا مش فاهم وجهة النظر، و لما وضحنا وجهة النظر بدل ما يبقى فيه اعتذار نلاقي تبرير للشتيمة و تمادي في التسافل و الابتذال.

    بس خلاص.

    إن شاء الله ما نلتقيش تاني خالص. و ربنا يجعلها آخر المهاترات.

    إنكوجنيتو– أي خدمة خبيبي… و سلملي على خالتك كتير، و قوللها العمالة الرخيصة و أصول الاقتصاد المصري و الأراضي اللي في أماكن استراتيجية في الطريق إليها. إحنا لينا بركة غير خالتك…. يا حبيــــــــــــــبي؟

  13. @prince of minia:
    و الله انا شايف ان دة ينطبق عليك انت مشبالعكس هو نسخة منك تقدر تقولى بتعمل أنت ايه غير الكلام (حد شايف منك حاجة هنا غيره).
    تقدر تقول أنت تعرفنى و لا ﻷ, تحب أسرد لك نشاطى ايه فى المجتمع و كل اللى بعمله و لا ايه رأيك و نشوف بقه أنت بتعمل ايه فى المقابل

    بص يلا انت اتظبط و لمها نشاط اية يا ابو شخة اللى بتقول علية مداعبة بنت اختك الصغيرة و تسرد اية يا حزين تسرد دى بتتقال اما يبقى ليك كذا نشاط مش مداعبة بنت اختك و مداعبة بنت اختك و كدة لو عاوز تعرف يا عرص انا عامل اية و لا معايا شهادات اية لان لا انت و لا االىل خلفوك هتعرف تاخدها اصلا و لو عاوزنا نتقابل انا مستعد و قدام اى حد بيقرا المدونة و انا قد الكلمة لانك زودتها اوى و انا ساكتلك اصلا بس انت اصلا فعلا فسل نافخ نفسة و انت حقير و ابقى هاتك شهادتك معاك عشان نتفرج و على العموم لو مش عاجبك ابقى قابلنى يا بتاع المجتمع انت الظاهر عليك و لا بلاش انت اصلا اقل من اى اتلكم معاك بس اان بارد لانى صديق لصاحب المدونة اللى طلع يهودى فىمدونتك اللى طلعت سبحان الله مش اسلامية اللى بردة هتقع ان شاء الله لو ما اتظبطتش يا بتاع النت و البرمجة و الحركات مش انت برضة من بتوع الحركات معلش اصل انا سوقى تعليم متوسط و الشاسية مكسور و الىل جابتة خدتة شهادات و نشاط اة هاقولك اية احقر من انى ارد عليك و ابقى افتح بقك و رد تان
    العلمانية شرك بالله جديدة شوية يا عم المفتى صاحب النشاطات و الموضع قتل بحثا كمان حلوة حلوة حلوة
    و بعدين انا عاوز نظارة و ما باسمعش و مش باشوف يا اخى اية يعنى قصر النظر ابتلاء بردة من الله و لا هنكفر بالله عشان لابسين نظارة و نعاير الناس اللى مش لابسين نظارات يا مريض و الهل ان اباضحك و انا باكتب لانى مش متصور ان فى حد وصل للسذاجة دى يا عم المبرمج المنقذ زا ون صاحب النشاطات فى المجتمع و المطلع على العلم و الىل عارف يعنى اية ليبرالية و علمانية اللى مش عارف كان قصدى عليها ازاى و خلطت بينهم ازاى معلش اصلهم بردة قريببن من بعض فى الحروف و المعنى العتب على النظر يا خويا اللى جابتة خدتة ولا انا هنام عشان ورايا شغل بكرة و اما ارجع ان شاء الله سنتك سودا بجد و ابقى رد

  14. ولا يا بتاع الطب مش انت بردة بتقرا مذكرات سيد الفكهانى و كدة و كتب الممرضات بتاع الاى سى جى و اخر كلام و بتاع اة و لا بتقرا مراجع ابن سينا الطبية على اساا ان المراجع الاحنبية من عمل الغرب الكافر و انت بتشجع الاناتج المصرى بالحق انا بارشح ليك كومار تكست هندى ممتاز بس الهند بتضرب باكستان بس انت خليك فى سيد الفكهانى حلو و هينفعك جامد على فكرة و ابقى روح خد الهيستورى من الحالة و اسال عن الكونساجنوتنجنى اة و قول للحالة ابوك يبقالك اية يا حاج و اسال عن السكر و الضغط فى البريسنت هيستورى مش الباست هيستورى عشانانت دكتور محترم بتعمل اللى عليك للمجتمع و راجل جامد و فكرك جديد و بتترفع عن الطب لانة مش على قدك انت يا راجل من جيل هاليستد و فيلمنج و كوخر طب اية اللى انت جاى تقول علية غور يلا من وشى دا انا لو شفت …………

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s