أضربَ يضربُ إضراباً…مش ضرباً

كلمتين كده عن الإضراب علشان المرة الجاية تضربوا حلو…

السنة اللي فاتت… بهية الله يسترها كانت اتكلمت عن بروفة عصيان مدني يوم 23 يوليو كده. و الصراحة الفكرة كانت لطيفة قوي، و مناسبة جداً في التوقيت. كان الرد الوحيد المناسب على كارثة التشويهات الدستورية ساعتها عصيان مدني عام. رسالة مختصرة و بسيطة.

“انتا مش بتقول الشعب قال كلمته؟ آدي كلمته. سرقتها؟ شغلها بقى ان كنت راجل. أهي فاضية أهيه.”

و كان عندي رؤية تخيلية كده فيها شوارع مصر فاضية. الحركة في حدها الأدنى. و بس. لا مظاهرات، ولا احتشادات، ولا مصادمات، ولا هتافات…. ولا عبط.

يمكن أنا متطرف حبتين في التبسط… Minimalist يعني.

المرة الجاية أما تحبوا تعملوا إضراب ياولاد… هانقعد في البيت. لو قولنا نعلق علم مصر يبقى هانعمل سبوبة لبتوع الأعلام و المسألة هتقلب بنظام تشجيع الأهلي و الزمالك. ماحدش يعلق علم مصر.. خلاص. علقوا فانلة داخلية رجالي بيضاء على عصاية مقشة أو غلية… صعبة دي؟ حد يعرف يكلمكوا في دي؟ في أبسط من كده؟

** **

الإضراب ده جه متأخر… متأخر كتير. بس المهم انه جه.

المرة الجاية لازم الاستجابة تبقى أكثر ليونة و سرعة، و الناس تبقى أكثر وعياً.

** **

اللي عاد يستنى الإخوان أو أحزاب المعارضة تقف جنب الشعب ده … يبقى يقابلني… عند أم أدهم.

طظ

محجوب عبد الدايم

القاهرة 1930.


4 thoughts on “أضربَ يضربُ إضراباً…مش ضرباً

  1. طظ للاحزاب المصرية التى تتعامل مع الحكومة وتواصل العهر السياسى والمشاركة بالانتخابات وتعطى الحكومة الشرعية

  2. انا عندي رأي
    يمكن يكون اسود او كحلي بس مش مهم
    اهو رأي والسلام
    احنا حضارة 7000 سنة
    ايوه
    7000 سنة واحنا عبيد من اول بناء الهرم لحفر قناة السويس للجهادية “والجهه دكها” للأخد على قفاك وانت ساكت وماشي جنب الحيط
    وكل اللي نعرفه: عاش الفرعون العظيم – عاش الفرعون العظيم
    عايز بعد كل “الحضارة” دي حد يعرف يقول بم او حتى “بم بم بيقدم جوايز”
    هتقولي الأضراب وما اضرابش وفلان مجاش وفلان معملش
    هقولك فلان دا ميهموش البلد يهمه بس انه يبقى الفرعون اللي جاي. ومالة لما البلد تتحرق – المهم انه يفضل مبسوط ويركب ويدلدل رجليه – مش لاقيين عيش كلو بسكوت.

    ان الله لا يغير ما بقوم حتى يغيروا ما بانفسهم

  3. يذكر للتاريخ ان الحزب الوحيد الذي شارك في الاضراب “قعد في البيت يعني ” كان الحزب النازي بكامل اعضاءة و تنظيماته و محجوب عبد الدايم يشهد بذلك و عقبال عندكم في الاضراب القادم

    نازي

  4. سيفجر الرئيس مبارك مفاجأة يوم 30/4/2008 وهى الاجور والحد الادنى لها والتى كان مقررا لها أن يعمل بها فى اوائل عام 2030مع بداية تولى حفيدة… رئاسة الجمهورية (المملكة المصرية

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s