استراتيجية حصص الشيكولاتة

ملحوظة: أنا لسة في أجازة مفتوحة…

آخر الأخبار من كام يوم من مقر TE Data كالآتي:

المشتركين الجدد لهم حق الاختيار بين النوعين من الاشتراك. الاشتراك الجديد ما زال شريحة ضيقة، و لم يتغير فيه غير السعر، و الدعم الحكومي. لا أخبار عن عروض ترويجية، لا أخبار عن خدمات مضافة، ولا أخبار عن تحسين الخدمة الأصلية.

و طبعاً دلوقتي المفروض نهنيء أنفسنا، و نقيم حفلاً ساهراً على شرف الانتصار العظيم ده. و ننسى خالص إنه كده ما فيش حاجة اتغيرت بتاتاً. الخدمة لم تتحسن، الأسعار لم تنخفض، و الحكومة نفدت بجلدها من الوعود الرنانة اللي خرمت دماغنا بيها من أول السنة، بما إننا طبعاً مبسوطين جداً من الوضع الحالي، اللي بيشكل لينا انتصار عظيم …

زي ما قولنا بالظبط… سبحان الله!!

لسة ما قريتوش 1984؟

اخص عليكم!!

اللي هيقرا ان شاء الله، هيلاقي حاجة اسمها استراتيجية حصص الشيكولاتة. في الرواية، الحكومة تقلل حصص الشيكولاتة في التموين بنسبة 50 بالمئة، ثم تعود و ترفعها بنسبة 5 بالمئة، و يهلل الشعب للارتفاع الجديد في حصص الشيكولاتة.. و…

أعتقد انه الحكومة بتاعتنا بتذاكر رواية 1984 ككتاب how to manual لطرق الحكم الرشيدة

مبروك يا جماعة

و

طظ

محجوب عبد الدايم

القاهرة

1930.


11 thoughts on “استراتيجية حصص الشيكولاتة

  1. اني المشنوق اعلاه
    علي جبل القوافي
    خنت خوفي وارتجافي
    وتعريت من الزيف
    و
    اعلنت عن العهر انحرافي
    وارتكبت الصدق كي اكتب شعرا
    واقترفت الشعر كي اكتب فجرا
    وتمردت علي انظمة خوفي وحكام خرافي
    وعلي ذلك

    وقعت اعترافي

  2. بصراحة مش عارف اقول ايه
    دي احسن الحلول اللي ممكن نوصلها في الوقت الحالي
    ومش معنى كده اننا نوقف حملتنا
    المفروض اننا كده قدرنا نثبت اننا نقدر نجبرهم على تغيير قرارات وزارية المفروض
    يبقى نقدر نجبرهم على تحسين جودة الخدمة الحالية
    نبدأ نفكر في خطط جديدة واستراتيجيات اجدد
    لأن كل اللي عملناه اننا حافظنا على الوضع الحالى بس

    عموما انت واحشني يامحجوب وعايزين نشوفك كتير

  3. انا سامع ان فيه اسعار جديدة للأنترنت هتنزل قريب
    الكلام دا شبة مؤكد (من مصادرنا الموثوقة)
    ربنا يستر ومتطلعش زي المرة اللي فاتت خازوق مغطى بطبقة رقية من الشيكولاته

  4. محجوب انت فين انت بقالك كتير مش بتكتب ياريت تكون بخير كل سنة وانت طيب محجوب ها تسمعني حول .سؤال هو انت تقرب لباولو كويلهو؟اصل انا متعلقة بكتاباتة زيك بالظبط…

  5. هيهيهي و الله يا إحسان انتي أحرجتيني جامد… ماحدش يعرف الحكاية دي… مش عارف اخدتي بالك ازاي..

    أنا و باولو ولاد خالة عجوزة قوي ما شوفتهاش من يوم .. و الله مانا فاكر… المهم… كنا دايما نقعد نهلفط مع بعض على حكاية روح العالم دي… مين كان يصدق؟ هوه يعمل الشويتين دول في رواية و يبقى بالشهرة دي، و انا اجي مصر و اعمل فيها طبيب مغمور… اعتقد اني كنت تهكمي أكتر من اللازم لما سيبت الشهرة و سخرت من روح العالم

    رمضان كريم يا ست الكل يا نور المنشر انتا… هههه

    وحشتوني يا جماعة و الله… لو كان بإيدي كنت اكتب كل يوم… ادعولي في رمضان ربنا يفك عني و يحلل عقدة من لساني… همم.. مافيش مانع برضه تدعولي انجح بتقدير.. هيهيهي

    المرة الجاية ان شاء الله ان شاء الله ان شاء الله ان شاء الله من غير مقاطعة خااااااااااااااالص بقيت موضوع الطائفية… ربنا يستر بس و ما تطلعيش مصيبة تانية زي بتاعت الإنترنت

  6. محجوب بجد مفتقدينك
    كل سنه وانت بخير وصحه
    مستنيين موضوع الطائفيه يا بطلاو اى موضوع المهم نسمع عنك اى حاجه .. اصلك لما بتغيب دماغى بتروح لبعيييييييييييييد .. يعنى بندور عليك ورا الشمس عارف المكان ده ؟ ههههههه يا رب ما تعرفوش ابدا خصوصا انك ناوى تكمل موضوع ملغم .. ربنا معاك وكل سنه وانت طيب تانى

  7. كل يغني على ليلاه

    ….

    وعندي ملاحظه صغيره اذا تسمحلي أخي محجوب

    لانك ذكرتني بأساتذتي المصريين الله يذكرهم بالخير

    كانوا ينطقون بعض الكلمات غلط لأن اللهجه المصريه

    تقلب الظاءإلى زاء وعلى اساس انهم يريدون تصحيح

    الكمات فكانت بعض الكلمات مثل الطراز تنطق بالزاء

    أصلا وكانوا يقولون الطراظ ..

    وانت أخي العزيز تكتب الظز بالظاء وهي اصلا باالزاء

    وعذرا لتدخلي..

    واذا ماعجبك كلامي قولي طز وراح أتقبلها بروح

    رياضيه🙂

    تحياتي لك

  8. هيهيهيهي طظ أصلاً كلمة غير عربية يا ست شوق، و أكيد بتتنطق زيد في لغتها الأصلية، لكن أنا حبيت الظاء أكتر لأنها مغلظة… كمان حرف الزاي في الكلمة دي ممكن يخليها تبدو.. أبيحةً

    هيهيهي و طظ يا ستي… مخصوص يعني علشان خاطر الحبايب

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s