لسة فاكرين؟

فاكرين لما اتكلمنا عن الوقيقة؟ و فاكرين الشندويتش؟ فاكرين لما نيمونا بعد موضوع الإنترنت؟ و بعد ما نيمونا شتمونا، و طلعونا غوغائيين، و تبع الناس اللي عملت أزمة الدنمارك؟؟

لو فاكرين كل ده، يبقى أكيد هتستمتعوا قوي قوي بالفيديو ده


12 thoughts on “لسة فاكرين؟

  1. آه صحيح انت أكيد أخوان عشان بتشارك فى المؤامرة دى

    ولا آكيد دى مؤامرة امريكية

    يا غوغائى يا ديموجاجى يا بتاع المؤامرات

    هههههههههههههههههههههههههههههههههههههه

    آه صحيح : أيام عبد الناصر كانوا بيقولوا مؤامرة اخوانية

    آيام السادات بقت مؤامرة من اعداء النجاح ومراكز القوى

    آيام السواد دى بقت
    أمريكيه أخوانيه غوغائية ديموجاجية

    بس معدش حد بيقول صهيونية ليه يا ترى ؟؟

  2. فيديو جامد جداً
    لأ والراجل اي من الأهرام جه فوقته.
    هي فعلاً مؤامرة من أعداء مصر اللي عايزينها تخرب
    المشكلة انها أول أما تخرب هتتنيل فوق دماغيتهم كلهم ان شاء الله قادر ياكريم

    عايزبن تعرفوا مين أعداء مصر دول. السنافر طبعاً

  3. ايه ده يا دكتور
    انت بقيت مثير للفتن بجد
    احسن تبطل الافكار الشريرة دى وتدور على اى سكن دور ارضى قبل ما يختفى والميه تختفى ويمكن مصر كلها تختفى .
    حسبى الله ونعم الوكيل

  4. اشطه والله
    الناس دي بجد تستاهل العقاب
    يعني مش قادرين تستحملوا اسبوعين من غير ميه
    ليه .؟!!!
    فين قوة التحمل
    فين الشعب المصري الجبار
    فين ايام ماكانوا بيقعدو بالشهرين لا ميه ولا نور

    احنا مستهدفين يا ولاد
    ومفيش اي حاجه خالص
    والله العظيم مفيش اي حاجه
    ولو فيه اي حاجه انا بقلكو مفيش اي حاجه يعني مفيش اي حاجه

    حد فاكر قصيدة “بيان هام” للشاعر العبقري احمد فؤاد نجم
    اللي قراها يعرف ايه اللي بيحصل
    مع اختلاف الوقت والمشاكل لكن احنا في نفس الوضع

  5. لان المخبى ظهر واستبان
    وكل المسائل
    بدت للعيان
    وطلعت حكاوي
    ونزلت كمان
    عن التهريبية
    وعن كيت وكان
    وعن محسوبيه
    وعن العبان
    ظهر فى المدينه
    كانه الطوفان
    وغرّق مراكب
    وسوح غيطان
    وبعض المراكب
    ح تغرق كمان
    وازمه مساكن
    وازمه امان
    وعالم بياكل
    فى عالم جعان
    وريحه مؤامره
    فى جو المكان
    مخطط خيانه
    مع الامريكان
    لدبح العشيره
    وحرق الجيران
    وفيه ناس بترغي
    ولازم بيان
    كما ابلغونا
    جميع الودان
    لهذا وذاكا … وتكلم كمان
    نقدم اليكم
    عروسه وحصان
    شحاته المعسل
    وهذا البيان

    هنا شقلبان
    محطه اذاعه حلاوه زمان
    بسم الله
    سلامٌ عليكم
    وسلمون وموز
    واما المسائل
    فهنجف ولوز
    فيا اخوتى
    ويا اخوات
    اليكم بيانى
    كما هو ات :

    جميع المسائل
    تمام التمام
    وكل الكلام دا
    مجرد كلام
    فصبرا جميلا
    ولا تقلقوش
    وشغل الضغاين
    انا ما اقبلوش

    ما فيش أي حاجه !
    على الطلاق والعتاق بالتلاته
    ما فيه أي حاجه !
    وقّـّدر كمان ان فيه أي حاجه
    ما فيش أي حاجه
    ما لوش أي لازمه الكلام
    واللجاجه
    وعيب ان عيل يسوق السماجه
    ويعمل ديباجه

  6. حلوة السنافر دي يا شقلوب أفندي..

    هدى– هههههههههههه الله يحظك يا شيخة، أنا تقريبا وقعت من ع الكرسي م الضحك… يا ترى لسة فيه دور أرضي يرضى بيا؟؟ متهيألي الواحد بقى شبهة… هههه

    القصيدة عبقرية يا أوميجا، أنا كنت قريتها قبل كده مرة، و دلوقتي انا حاسس بارتباط عاطفي رهيب معاها

    ” و عيب ان عيل يسوق السماجة و يعمل ديباجة”

  7. الحمد لله على كل حال

    بس هل تعتقد ان موضوع وجود الاشتراكين ده نوع من التدريج ؟؟

    يعنى الموضوع مؤقت شوية كده وبعدين يلغوا القديم ويحولوا الناس كلها للجديد ؟؟؟

    انا شخصيا شاكك فى كده

  8. شوف يا أستاذ عمر… غياب الثقة ده أمر طبيعي في ظل انعدام الشفافية (حلوين البقين دول و الله)

    أنا شخصيا؟ غالبا رأيي بيحوم حول كلمة طظ… اللي فرق معايا المرة دي ازاي الناس اتحركت مع بعض و عملوا فرق و لو بسيط… هوه ده المهم صدقني

    متمو– أخجلتم تواضعنا و الله… طبعا يا ولدي… نورت أرض الطظيات العامرة

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s