و يبقى التساؤل

دي حلقة على إذاعة البي بي سي العربية عن القرار العظيم بتاع الإنترنت… و بصراحة التعليقات…. تغيظ

يبقى التساؤل معلقاً…

ماذا عن المشتركين الجدد؟ مشتركي ما بعد 1 سبتمبر؟ هل سيكون من حقهم الاختيار بين النظامين بحرية؟

و إذا كانت الإجابة بنعم، فما الذي تغير؟

محجوب عبد الدايم


10 thoughts on “و يبقى التساؤل

  1. برغم اني سمعت الحلقة وسجلتها لكن مش فاهم حاجه
    تحس انها حاجه مثلا زي
    العالم ما قبل 11 سبتمبر والعالم مابعد 11 سبتمبر
    محدش فاهم اللي حصل ومحدش فاهم اللي هيحصل
    ومحدش اصلا مقدر ابعاد وخطورة الموضوع ولا مدى الأستغلال والأحتكار اللي احنا عايشين فيه
    موضوع التنويم المغناطيسي وغسيل المخ الأعلامي اللي هما بيعملوهولنا واضح انه بيجيب نتايج فعاله
    الناس كلها نامت
    زي اي موضوع تاني
    هووووجه وشخط وزعيق
    ويطلع السيد المسؤول يقول حبة كلام ملهومش لازمه تلاقي كل الناس بتقول: اه كده كويسز ولا هما فاهمين حاجه ولا اللي بيتكلم فاهم بيتكلم في ايه

    يا ناس بلاش السلبية دي
    حرام عليكو بقى
    7000 سنه بتاخدو فيها(لا مؤاخذة على الكلمة) وعمر ماحد بيتكلم
    كله عايش بنظام اكل واشرب واسقف للي يحكمني

    عاش الفرعون العظيم ……….. عاش الفرعون العظيم

    لك الله يا مصر
    شعب خانع وحكام انذال

  2. يا أوميجا مانت خدت فيها زى كل الناس
    بس دى اول مره تتكلم يعنى

    ايه الحكاية وبتقود الحملة كمان يا معلم ؟؟؟
    يا سلام

    ميه و نور و كهربا ونت
    وهيييييييييييييييييييييييه

  3. السؤال الأهم هو

    هل من العدل والانصاف تصنيف الناس الى طبقات ..؟ وفتح المجال للشركات المقدمة للخدمة لأستغلال الوضع..؟؟

    والأهم ههنا هو هل المستخدمين المحترفين …كمبرمجين ومصممين ومطورين وأصحاب مواقع …هل سيساعدهم الوضع الجديد أم سيضر بهم ؟؟؟؟

    المصيبه ان الناس شايفة الموضوع عادى
    خصوصا المدونين اللى الاتنين جيجا هيكفوهم وزياده
    مهما بيرغوا بس …

  4. ده اللي اسمه اقتصاديات السوق الحرة يا حمزة باشا… ما بعد الانفتاح… و ما بعد التعديلات الدستورية… هذا ما ستحصل عليه

    لكن انا شايف انه السؤال اللي انا طرحته اجابته هتحدد حاجات كتير قوي… يا ترى حد هيجاوبنا قبل م الأسبوعين اللي فاضلين دول ينتهوا؟

    أنا هانزل الف تاني على الشركات… لما نشوف

  5. من الأخر صراحة
    هم بيصمموا اقوى جيل استغلالى ومتحايل فى التاريخ
    ليه ؟؟
    اولا احنا مصريين يعنى هنلاقى مليووون وسيلة نوصل بيها من وبنفس الاسعار اللى عايزنها

    ثانيا : بالنسبة للداونلود كل حاجة بتوصلنا بانتظام على مدى 7 سنين …. يعنى مفرقتش كتير

    ثالثا : البرامج والافلام والاغانى المقرصنة …النت هيقلل من انتشار النسخ المضروبة بس كمان شوية هناخد نسخ افلام عربى عالية الجوده
    والاغانى …سمعت ناس بيتفقوا على تجميع ونشر الالبومات العربى الجديدة بعد تطبيق القرار لا وأيه فيه باين خدمة دلفرى …يعنى مش احتقار انت تطلب والناس هتديلك …وقت الزنقة كله بيستجدع

    يعنى فتحوا باب القرصنة الاحترافية على ودنه ….

    رابعا : الوزير الغبى بالقرار الأمنى الأغبى ده و وهدفة من تحديد وتقنين صناعة المعلومات وحصار الشعب معلوماتيا ( الشعب جاهل أساسا حتى 80% من المتخصصين ) ساعد على امتلاك المحترفين بس للخطوط الكبيرة بالنسبة لى هثبت على 2 ميجا واللى عايز آى حاجة داونلود آبلود يكلمنى بس ( ألا البورن )
    أفلام أغانى برامج اسطوانات تعليم لبنكس وان شاء الله هنسخ كل اللى هينزل أول بأول DVD يعنى تاخد وغيرك هياخد وفرى

    خامسا : القرار ده المفروض انه مش فى صالحنا بس صراحة شايف انه فى صالحنا درجة أولى …لانه بيحولنا لشعب لمض ولبط ….واحنا مش عايزين الا نتعلم طرق تحايل جديده عشان نعرف نعيش

    سادسا : المدونين ساكتين قوى كأن القرار مش قرار أمنى عشان هم يتهدوا لأ كأن الأمر لا يعنيهم بالمره وده مش غريب على الشعب المصرى …( طبعا مبتكلمش عن العشرة عشرين مدونة اللى بيتكلموا فى الموضوع ) من الاخر حماس عربى فارغ وكاذب بلا أى خطوات حقيقة ….ودى عادى مصرية اتكلم حبتين وانعس شويتين

    سابعا : ناس كتير اتكلمت عن المقاطعة لخطوط النت ؟ وبعدين ؟؟؟ انت مصدقين ان المقاطعة الغير منظمة او لعب العيال دى هتعمل حاجة ؟؟؟؟ ولا مصدقين ان جيل الشباب ده راجل وجدع وهيقاطع ؟؟؟؟( يبقى انت أكيد مش فى مصر )

    ثامنا : ايه البدائل اللى بتقدموها للمقاطعة ؟؟ مقاطعة امريكا كان ليها بدائل مصرية ؟؟ بس المره دى عندكم بدائل ؟؟ مفيش حد ممكن يستغل الوضع ويعمل بيه شركة تكون بديل للغباء الوزارى ؟؟ والقرارت الامنية اللى على دماغ الناس ؟؟؟

    تاسعا : كم واحد ديموجاجى وغوغائى عرف الناس اللى حواليه بالموضوع وهيعملوا ايه ويتصرفوا ازاى ؟؟؟؟( مش عارف ليه ساعتها بفتكر المصريين بتوع كلام؟! )

  6. يا جماعه احنا قلنا قبل كده زي ما الأخوة قالوا(حلوة الأخوة دي – ممكن تودينا كلتا في داهية)
    ان اللي هيعملوه ده مش هيوقف الشبكات زي ما هما متخيلين
    اللي هيعملوه هيزود الشبكات وهيزود قدرة الفرد على الأبداع
    ونظرية البقاء للأقوى – هم فاكرين ان هما الأقوى – لكن مش واخدين بالهم ان الأقوى هوه الأقدر على التكيف مع الظروف
    واحنا في الحاجات دي بقى اساتذه
    بيقولو مفيش دونلود
    كله هيجب خط 2 ميجا وهيعمل شبكات اكبر واكبر
    هيقطعو السلوك بالمقصات زي العيال الصغيره

    ابقى قابلني يا عم الوزير هنقلبها شبكات لاسلكي
    وعلى فكره اللي محدش يعرفه ان شبكات اللاسلكي ارخص من السلوك – انا عملت دراسة جدوى للموضوع وجاهزين لبدأ التنفيذ في اي لحظة
    مثلا- الروتر ياما هتجيب روتر يدعم اللاسلكي او هوه نفسه مش هيتغير وتزود عليه جزء صغير
    وسعر الروتر اللي بيدعم اللاسلكي مش غالي 350 جنيه كحد اقصى
    ثانيه بدل السلوك هنشتري اريال اساسي تمنه الف جنيه هتقولي كتير
    هقولك لأ لنه هيخدم دايرة قطرها 500 متر يعني نص كيلو – تخيل لو هتصرف سلوك 500 متر وسوتشات هتتكلف قد ايه
    واي مستخدم في المنطقة دي يا دوب هيجيب حتة سلك او اريال فوق السطوح ويشتغل ويقوي الخط للي بعده
    يعني كل ما هيزيد عدد المستخدمين هتتحسن جودو الشبكة
    نيجي لكارت الشبكة
    الكارت اللاسلكي ب 100-150 جنيه برضه سعره مش غالي قوي وممكن السعر يقل لو الناس هتشتريه جمله
    وفيه حلول كتير عندي وعند غيري تقلل تكلفة اللاسلكي للنص تقريبا
    يبقى الموضوع انهم بيستهبلو او مش فاهمين اي حاجه عن الشعب المصري او اللي موجود في السوق
    الموضوع محلول يا جماعه محدش يقلق
    احنا بس منتظرين الرد النهائي يوم 1/9

  7. عارف المشكلة ايه …….. انك تكون مدرك كل حاجة بس لازم تعمل عبيط علي العموم علي رأيك هي مجموعة طزيات

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s