أولى خطوات النصر|إنترنت بلا حدود

www.mesh-gayeb.com

الخبر ده لكل الناس اللي كانت بتقول مش هاينفع، و لكل الناس اللي كانت بتقول إبقى قابلني، و برضه لكل الناس اللي كانت بتقول إنتوا مش فاهمين انتوا بتعملوا إيه و بتخرفوا.

إقرأ الخبر على الدستور

المصدر—الأهرام

لماذا تم تحديد حدا أقصي لتحميل المعلومات من شبكة الانترنت وهو‏2‏ جيجا بايت رغم انها غير كافية للأسر المصرية؟

تم سؤال الشركات مقدمة خدمات الانترنت عن أقصي طاقة شهريا لتحميل المعلومات التي تحصل عليها الأسرة الواحدة التي تملك خط إيه‏.‏ دي‏.‏ إس‏.‏ إل وكانت الاجابة هي‏1.5‏ جيجابايت‏

تحديد قيمة أكبر وهي‏2‏ جيجابايت كحد أقصي وهي كافية تماما للأسرة التي تدخل ساعتين علي الانترنت يوميا‏,‏ ولكنها غير كافية للأسرة التي تقوم بمد وصلة غير قانونية لأسرة مجاورة لها‏

وهذا التحديد في تحميل المعلومات الغرض منه القضاء علي الوصلة غير القانونية‏,‏ ورغم ذلك فأن هناك خيارات أخري امام الأسر التي تزيد طاقتها في تحميل المعلومات عن هذا الحد‏,‏ إما بشراء جيجابايت اضافي نظير‏10‏ جنيهات أو العودة الي النظام المحاسبي القديم وهو‏95‏ جنيها وتحميل المعلومات بدون حد أقصي‏. “

أنا ما عنديش تعليق على الأخبار دي بصراحة، أنا هاسيبكم إنتم تعلقوا….

بس افتكروا إن أنا قولتلكم مش طظ… و لسة مش طظ… أكيد مش طظ

محجوب عبد الدايم

القاهرة 2007.

 

علشان الناس اللي متلخبطة و التعليقات اللي أنا شوفتها، يا جماعة دي أول خطوة. الوزارة عاملة مناورة علشان تلف حوالين الحركة بتاعتنا و تضحك علينا. لغوا نظام الساعات لأنه كان أبسط نظام يفضح إنه سعر الإنترنت زاد ما نقصش. لكن نظام تحديد الداونلوود لسة زي ما هوه.

الطريف بقى، إنه من بق سيادة الوزير شخصياً في التصريحات اللي فاتت، النظامين واحد. و هما عاملين الحسبة بحيث إنهم يبقوا متساويين في الإستخدام بس بشكل ملتوي. كمان تحديد الداونلوود بيحدد التصفح و الاستهلاك بوجه عام، و بالتالي بيحدد الساعات.

المناورة دي جس نبض و اختبار لجديتنا في القرار، و احنا لن نتراجع إلا بعد تحقيق مطالبنا العادلة و المستحقة. المقاطعة ماشية، و الناس نازلة يوم الأحد القادم، و يا ناخد حقنا، يا إما بقى يشوفوا مواطنين من بلد تانية يوزعوا عليهم نت.

 


15 thoughts on “أولى خطوات النصر|إنترنت بلا حدود

  1. ماظنش الكلام ده حقيقي، مكتوب في المقال انه “اول امس”، والوزير كان في برنامج عمرو اديب امبارح بالليل..
    شكلها فبركة واحد صحفي..

  2. هما لغو نظام عدد الساعات
    لكن ملغوش كمية الدونلود
    فاكرين انهم كده ضحكو علينا او اننا اغبياء
    بس دا معناه اننا على الطريق الصحيح
    واننا هنوصل للي احنا عاوزينه
    وان المقاطعه هي اسلوب ناجح
    دي مجرد اول خطوة في تراجعهم بس لازم تخلينا نثبت على موقفنا
    في الأخر هيكشو
    اكيد هيكشو
    وان مكشوش مش هنرجع في كلامنا
    هما يهمهم جيوبهم – واحنا هنضربهم في جيوبهم وهتوجعهم قوي قوي قوي

  3. المشكلة ان الواحد مابقاش يصدق الاشكال دي

    كل شوية يقولوا كلام ويطلع كذب

    معقول ياربي الهم اللى احنا فيه ده
    مافيش مسؤول في البلد مش كذاب

    نفسي الاقي اي مسؤول له مصداقية في البلد دي ولما يقول حاجة اصدقه مش احس اني شاكة في كلامه

    مش عارفة ليه مش مصدقة الراجل ده
    وحاسة انهم بيجسوا نبضنا يشوفوا ح نسكت زي مامتعودين من الشعب على السكوت على كل البلاوي اللى هو فيها

    لازم نستمر في الحملة برضه انا قلبي مش مرتاح لكلامه

    وحاسة انه مدبر لنا مقلب

  4. لسه راجع من te data عشان ادفع اشتراك اخر شهر، متبعين هناك سياسة “اعمل عبيط” ومابيردوش على اي استفسار، وكل ما اسأل حاجة يقولي ان التفاصيل لسه ماجاتلهومش وهاتيجي اول سبتمبر..

  5. و إيجبت نت وورك بيطبقوا نفس النظام، علشان كده لازم تخطرهم إنك هاتفصل فوراً لو ما تراجعوش عن القرار ده.

    أيوة يا جماعة، زي ما وضحتلكم، دي محاولة لتشتيت انتباهنا و تبريد الغضب العام اللي حاصل. علشان ما ننفذش اللي احنا اتفقنا عليه.

    ما تدوهومش الفرصة دي، كله يستكمل الطريق، و يوعي اللي حواليه. و كفاية قوي كده… مش هنرضى بأقل من تصريح واضح و صريح بإلغاء تعميم الخدمة الزبالة دي، و بتحسين الخدمة الحالية في المستقبل القريب كمان.

  6. يا جماعه احب ابشركم انه في 3 ايام فيهناس كتير قوي قررت الفصل
    على موقع mesh-gayeb.com عدد التواقيع: 3260
    ومعظمهم بيقول هيفصل يمكن 70% والباقي بيشاور عقله
    طبعا دول اللي وصلو للموقع
    انا قريت كل التعليقات
    ومفهومش غير 2 موافقين على النظام ده وواضح انهم مش فاهمين
    الغريب بقى ان فيهم توقيعين تضامن من الأمارت والسعودية يعني حتى بتوع دول الخليج اللي احنا لامؤاخذه بنقول عليهم مبيفهموش ( وانا اسف جدا ليهم على المقولة دي ) طلعو بيفهمو احسن مننا
    لأن عندهم النت ارخص من هنا 10 مرات مقارنة بالدخل

    يا جماعه الوزير مش فاهم
    والله العظيم ماهو فاهم
    وتعليقاته مع عمرو اديب بتقول انه مش فاهم حاجه خالص وميصحش يبقى وزير اتصالات
    اقل حاجه لما تيجي تعمل دراسة زي ما بيقول المفروض يعمل دراسة ميدانية مش يروح يسأل شركتين نت بس ( وده كلامه على فكرة مش كلامي )
    احنا لازم نوصلهم معلومة اننا كلنا هنفصل ازا اطبق القانون ده
    نوصلها لشركات النت قبل الوزارة
    لأن الشركات يهمها الفلوس ودي اكتر نقطه توجعهم
    محدش يكل ومحدش يبرد
    احنا من غير النت هنتخنق محدش هيسمعنا ولا هنسمع حد هنبقى صم بكم عمي فهم لا يعقلون
    وهوه ده اللي هما عاوزينه واحنا مستحيل مستحيل ننولهم مرادهم
    اهم حاجه نفهم الناس. روح للناس لغاية عندهم وفهم اللي يسمع عن واحد عايز يشترك يفهمه الحقيقة
    احنا بس مش عايزين نفصل احنا عايزين محدش جديد يشترك

    والله معانا ومع الحق دايما

  7. أهو كله كلام واحنا لسه عند موقفنا.. مفيش حاجة اتغيرت.. يا إما النظام القديم او نظام أحسن منه.. يا إما هنفصل
    بس بجد كدة تماااااام أوي… لما يقولوا كلام ويرجعوا فيه ويقولوا عكسه وبعدها يرجعوا فيه معنى كدة إنهم اتزنقوا.. وده معناه إننا نفضل على الموقف بتاعنا
    ومش هنتراجع عن وقفتنا ولا هنهدى دي علشان كلمتين جرايد ممكن يطلعوا تاني يوم يقولوا ما قولناش كدة

    دي فلوسنا… وأبسط حقوقنا إن الأخبار تكون واضحة واللي يتكلم يقول هيحصل كذا وكذا وتبقى كل حاجة محددة… الكلام العايم ده ولا هيقدم ولا هيأخر

  8. دا رد الأميل بتاع رئيس اوزراء على اميلي

    نتوجه لكم بالشكر للرسالة التي قمتم بتوجيهها لرئيس الوزراء من خلال عنوان البريد الالكتروني
    سيتم موافاة موظفي إدارة الاتصالات بهذه الرسالة
    بالرغم من أنه ليس بإمكان السيد رئيس الوزراء الرد شخصيا على رسائل البريد الالكتروني التي ترد إليه فإنه
    يتم الإطلاع على كافة هذه الرسائل ويتم موافاة السيد رئيس الوزراء بتقرير حول الموضوعات التي يتم إثارتها
    من خلالها بالإضافة إلى بعض المختارات منها

    نشكركم مرة أخرى على زيارة موقعنا على الإنترنت

  9. ده تقريبا نص الحوار بتاع مكالمة الوزير مع عمرو أديب
    http://masrawy.com/News/2007/Egypt/Economy/July/25/internet.aspx
    مش عارف.. بس محتاجين برضو توضيح
    يعني لو ال512 هيبقى ب90 جنيه هتبقى حدوده أد إيه؟؟
    وكمان معنى ان العقد ينتهي إيه بالظبط؟؟ ما هو على رأي عمرو أديب.. احنا مش عاملين عقد مدى الحياة

  10. يا جماعه دا تسنييييييج
    الراجل بيقول لن يتم الغاء الأشتراكات القديمة حسب التعاقد
    واحنا بندفع شهري
    يعني تعاقداتنا شهريه
    يعني بيستنجونا

  11. التعاقدات ليست شهرية.. العقد اللي معانا سنوي ويجدد تلقائيا.. ده اللي بينص عليه العقد.. إنه سنوي وبيجدد تلقائيا
    وبعدين الله أعلم ده تسنييييج ولا لأ
    احنا عموما مازلنا على موقفنا… الله أعلم يمكن يكون الراجل مش بيكذب وده فعلا اللي هيحصل
    بس ده ميغيرش من موقفنا شئ.. لو تم تطبيق النظام ده علينا هيتم إلفاء الاشتراكات

  12. عايزين كلام واضح وصريح يطلع ابن بارم ديله, عمر بدوي , و طارق كامل,يقولو احنا أسفين يا شعب عشان كنا عايزين نستكرتكم و نسرقم ,و إن النظام الجديد (أبو 45 حني في الشهر ) إختياري مش إجباري,

    لو معملوش كده

    نعمل cancelation lel acount

    ونرفع عليهم قضية الإساءة لسمعة مصر (اشمعنا المدونين بس اللي تترفع عليهم القضايا دي)
    و كمان نشر البلبلة (جمع بلبل) بين المواطنين ونشر الشائعات كاذبة و, و تكدير السلم الإجتماعي (هو في تكدير و قلة مزاج أكثرمن كدة) ولا ايه؟؟؟؟
    D:

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s