عن محجوب

انا الحقير بكل داء مبتلى    انا الكريه كليم جن العبقر

صعلوك قوم في سفاهة سيد    بلسان افعى عشيق رد المنكر

كل السواد و الانحطاط انا جامعه    كل السفالة و الوضاعة بمئزري

سفر القذارة يرقب ..

كفايه كده

محجوب عبد الدايم لمن لا يعرفه، شخصيه مثيره للجدل ظهرت لاول مره في رائعة (نجيب محفوظ) القاهرة 30 . محجوب كان فقيرا كما يجب ان يكون الفقر، مقهورا كما يجب ان يكون القهر، و شريرا كما يجب ان يكون الشر ايضا. محجوب يمثل كل ضعفنا، كل نقائصنا التي لا نعترف بها، كل اللامبالاه و كل الخسه التي نتمتع بها ولا نجرؤ على البوح بفحواها. تمنيت كثيراً ان اتحلى بالمزيد من مثالبه الخلابه، و لكني دائما ما فشلت. ببساطه و اختصار، قررت اعادة بعث هذا الخليط السحري من جديد.

18 thoughts on “عن محجوب

  1. عم مساء يااستاذ محجوب

    اختيار موفق لشخصية على مافيها من عيوب كثيرة الا انني اعتبرها ضحية صارخة لمجتمع ظالم.
    لو كان محجوب عبد الدايم وجد حياة افضل ربما صار افضل.
    ولكن من يدري ربما هذا من حسن حظنا لنتعرف على كل محجوب عبد الدايم من المحجوبين المحيطين بنا

    تحياتي لاختيارك العبقري

    كنت اريد ان اعرف كاتب الابيات المذكورة عاليه اذا سمحت

  2. يا دي النور

    شاكرين مهللين.. كلنا عندنا جزء محجوبي خفي.. كلنا بنحاول نخبيه… مش عارف ليه مش بنحاول نتعايش معاه و نستكشفه.

    الأبيات دي من تجليات امتحانات الباطنة… العبد لله هوه اللي كاتبهم في حالة مدقعة من الدونية و التلاحم مع النفس. هيهيهيهي

  3. بسم الله ماشاء الله عليك
    متعدد المواهب الأدبية
    ربنا يزيدك من علمه

    بالفعل كل شخص فينا داخله جزء محجوبي يحاول أن يخفيه وكل محجوب وشطارته بقى
    فيه اللى بيعرف يخفي كويس وفيه اللى بيخفي على طريقة الكنس تحت السجادة وهو متصور ان الدنيا ضيفة وكله تمام ومش واخد باله ان اي حد يدوس بيحس بالمحجوبية بتنط في وشه

    هههههههههههههه

    مدونتك التجول فيها شديد الامتاع صراحة

    لاحرمنا الله من قلمك وخفف عنك سوءات الامتحانات وربنا ينجحك وتبقى طبيب قد الدنيا وتخفف عن المرضى الغلابة ىلام فواتير المستشفيات

    مش كفاية علينا النت
    ههههههههههههه

  4. السلام عليكم ورحمه الله أخى محجوب والله انا أول مره أدخل الموقع بتاعك وأقعد أستكشف فيه وبصراحه ربنا يزيدك كمان وكمان المشكله فى البلد دي أنا على الرغم من أن فيها ظلم كتيير الا ان دا كله مش محسوس ودا بسبب قتله ومغتالى الفكر وبسبب تقصرينا برضه فربنا يعينك وتعيد الينا الاحساس بكل ما يحدث على أرض الواقع
    Abdurrahman

  5. السلام‏ ‏عليكم‏ ‏يادكتور‏ ‏محجوب
    المفروض‏ ‏ان‏ ‏حضرتك‏ ‏معانا‏ ‏في‏ ‏اسره‏ ‏سوا
    بس‏ ‏جايلنا‏ ‏اخبار‏ ‏انك‏ ‏قررت‏ ‏تعتزلنا
    ممكن‏ ‏ماتمشيش‏ ‏‏!‏؟
    بيتهيألى‏ ‏انى‏ ‏علقتلك‏ ‏علي‏ ‏كتاباتك‏ ‏كتير‏
    بس‏ ‏انا‏ ‏مستغربه‏ ‏جدا‏ ‏انت‏ ‏ليه
    مابتنشرهاش‏ ‏في‏ ‏مجله‏ ‏او‏ ‏جرنال‏ ‏كبير‏ ‏لأنها‏ ‏فعلا
    تستحق?!
    بس‏ ‏وربنا‏ ‏يوفقك

  6. و عليكمُ السلام و رحمة الله و بركاته

    عبد الرحمن– بأيديكم و أيدينا إن شاء الله… أهم حاجة الاستمرار و التجويد.

    دكتورة همسة– طبعاً فاكرك هيهيهي… شوفي يا ستي

    سوا من أجمل التجارب اللي عيشتها في حياتي، و ليها معزة خاصة قوي في قلبي. و بجد من أجمل الفترات اللي قضيتها لما كنت باشتغل معاكم و باسمع تعليقاتكم… فمش معقول بعد الحب ده كله اعتزلكم… لكن المسألة فيها نظر

    كل اللي هايحصل إني مش هاكتب في المجلة. ده مش معناه اني اختفيت أو باقطع علاقتي بيكم… ده انا ما صدقت الاقي ناس دماغها راقية بالشكل ده. لكن الأسباب اللي عشانها مش هاكتب في المجلة خارجة عن إرادتي خالص

    أول حاجة أنا بقيت راجل عجوز خالص خالص… يعني خلاص، الامتياز بيودع و كلها كام أسبوع و علاقتي بالجامعة كلها تنتهي. في الفترة اللي جاية هاكون مشغول بشكل صعب في التكليف و ورقه… و الله أعلم هاتعين فين في أرض المحروسة، و طبعاً انتي عارفة خريجي المنصورة العظام و رغبتهم العارمة في استكشاف حدود الكون… فممكن جداً أكون في كفر النيجر، أو عزبة ماشو بيشو. المهم، في خضم كل الأحداث دي… المجلة كده هاتتظلم جامد، ولا إيه؟

    تاني هام، لما اسيب الجامعة، هيبقى حتى عيب عليا إني آخد مكان مش مكاني في عمل طلابي رائع زي اللي انتوا بتعملوه ده… يعني مش هابقى طالب، و بكده هيبقى مش من حقي قوي اني أكتب.. هابقى باخد مكان واحد أولى مني… و انا شايف انه الواحد لازم يتحرك و يوسع مجال للناس علشان تجرب و تطور… ديموقراطياً يعني… بدل ما الواحد يفضل قاعد على الكرسي زي ناس… لما يحمض و يفقد القدرة على العطاء… و ساعتها شكله هايبقى وحششش… كمان علشان العمل يفضل مرتبط بيكم و بحياتكم كطلبة… و ما يحصلش انفصال في مستويات كتير…أنا شايف انكم عملتم شغل هايل في التلات أعداد دول، و دلوقتي معاكم موروث ضخم تحافظوا عليه و تطوروه… انتم.. بإيديكم و إيدين زملائكم… انتشروا رأسيا في الدفعات.. و أفقياً في الدفعة الواحدة… و كونوا قاعدة عريضة من المشاركين و الأفكار الجديدة… و كملوا على الطريق

    فيه مشاريع تانية كتير و أفكار نيرة المفروض نختبرها و نجربها… و انا معاكم برأيي و اقتراحاتي على طول… مش هاسيبكم يعني.. لأني شبطة… و عاوزكم متفوقين على طول و أحسن الناس… أنا و الدكتور عبد المنعم بس غرضنا نوسع مكان لغيرنا… علشان دايما يبقى فيه تجديد و تطوير…

    أما بقى بالنسبة لكتاباتي و مسألة النشر في جرانين دي… إيدي على كتفك… همم.. ولا بلاش دي ليقولوا باعاكس.. قصدي يعني يا ريت…ده أمل أي حد بيحب الكتابة… كان فيه عرض كده مرة و ما حصلش نصيب… عامة أنا مستمر في الكتابة هنا و في المدونة الانجليزي و يشرفني انكم تقرولي و تستمروا في التواصل معايا… الإيميلي بتاعي معاكم

    و دمتم سالمين… لا طظ فيكم

  7. بدل ما نتعايش مع الجزء الممثل لمحجوب فينا لما لا نكتم انفاسه كمرضى الرعاية المركزة ونوصل الجزء الممثل لعمر بن الخطاب على الرئة الصناعية اللى بشك فى فاعليتها ولو بيشرق فى لعابه او طعامه يبقى الحل امبوبة معدية من الاول قبل مايوصل للالتهاب الرئوى الغير مكروبى بالتحليل اعلم ان تعليقى هذا خض بالماء بالنسبة لى شخصيا ولكنه قد يكون فى اللبن لآخرين يتمنى اهليهم طول الحياة لهم ولا تعلموا كم يمثلون لذويهم من قيمة وكم سيفقدوا من حياتهم وسعادتهم بفقدهم كلمة اخيرة حاول ويكفيك شرف المحاولة حاول انعاش عمر بداخلك وداخل من حولك

    1. العزيزة أمل صبري

      ألهمك الله الصبر على الشدائد! لقد وجدت أن خير وسيلة لتحيي عمر بن الخطاب في داخلك أن تعترف بمحجوب عبد الدايم أيضا. هؤلاء الذين يقضون حياتهم ظانين أنهم ظلال عمر على الأرض لا يدرون أي نفاق يطرحون. في واقع الأمر… كلنا محجوب عبد الدايم إلى حد ما. محجوب عبد الدايم لا يموت

      1. شكرا لتعاطفك ولكن نفاق +عمر————-> عدل واعلاء لقيمة المواطن البسيط واصغاء للمظلوم مهما كانت مكانته خير من طظ+محجوب————> قبول بالادنى فى كل شىء والرضى بالمهانة والظلم وان يكون المواطن عبد المأمور لان فى الاخر السهم بيدى نتيجة افضل فى الاولى للعيان والمنافق قلبه المريض لنفسه ونحن لنا ما نراه والقلب دا بيحاسب عليه ربنا يمكن يا سيدى مره فى مره يراجع نفسه ويبقى عمر من قلبه

  8. لا قصدى نكتم نفس الوحش فينا ونعلى ونحيي الجيد ولو اعتبرنا الوحش جوانا حالات terminal يبقى هنوصل بنفسنا ومجتمعنا كله للصلاح اللى ربنا خلقنا لعمله فى الارض لا ان نتعايش مع الجزء الممثل لمحجوب وكل ما يمثله من قيم مرفوضة لو حابب اكتب بشكل مسلم واقول كتابتك تدل على ضمير حى ماشى لك هذا ولكن اردت مشاكسة الكاتب والطبيب معا يمكن نوصل معا لافضل ما فيهما خاصتا ان لدى قناعة ان العلم وحده دون الفكر الابداعى لا يخلق عالم لذا توسمت فيك الاثنين وخاطبت فيك هذا المبدع لانقاذ المنظومة الطبية من جمود العلم او بالاحرى تاريخ العلم بعض الابداع فى الطب وبعض المخطرة قد تنقذ الكثيرين قرأت مدونتك قبل رؤيتك لذلك اصابنى التفاؤل ببعض الاصغاء اسفة على الاطالة سلام على من اتبع الهدى ولا طظ فيكم ولا فينا

  9. مائة لعل ولعل ولا يصح الا الصحيح سواء شخصناه او حولناه خطوطا ما اكثرها واكسرها فى ايامنا تلك كل واحد يقول هذا خط احمر واذ فجأة يخضر الخط وتعدى المرادى ونتحول جميعا للقصرى بدل محجوب نفسى الاحمر يفضل احمر بس نحدده صح وبعد كده نقدسه زى ما تحب ويا رب نتغلب جميعا على محجوب وغيره وما خفى كان اعظم وشكرا مرة تانية والا اراكم الله محجوب فى خلق لديكم

  10. سلام من السودان. اعجبتني المدونة و لكن آخر التعليقات كان ابريل 2012. يعني مياه كثيرة جرت تحت الجسر.

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s